Mikrobiologiya və genetika

İctimai sağlamlıq və gigiyena fənninin əsas məqsədi ekoloji gərginliyin artdığı müasir dövrdə müalicə profilaktika müəssisələrində çalışan tibb işçilərinin və xəstələrin üzləşdiyi problemlərin həlli üçün tələbələrə lazımi biliklərin verilməsidir. Bu isə profilaktik fəaliyyətin yerinə yetirilməsinə, xəstəliklərin qarşısının alınması və sağlamlığın möhkəmləndirilməsinə öz peşəsinin peşəkarcasına yerinə yetirməklə yanaşı öz sağlamlığını qorumağı da bacaran əhalidə sağlam həyat tərzinin formalaşdırılmasına yönəldilmiş müəyyən bilik, bacarıq sisteminə malik tibb işçisinin hazırlanmasında əsas şərtdir.

İctimai sağlamlıq və gigiyena fənninin öyrədilməsi nəticəsində qazanılan bilik və vərdişlər digər klinik fənlərin mənimsənilməsini asanlaşdırır, həmçinin xəstələrə qulluq işinin effektiv təşkili üçün münasib şəraitin yaradılmasının təmin edilməsinə kömək edir.

Tibbi genetika fənnində insan həyatındakı ümumi bioloji qanunauyğunluqları, genetikanın qanunlarının dəyişkənlik səbəbləri, mutasiya və onun sağlam insana təsiri, genetik anomaliyaların profilaktikası öyrədilir. İrsi xəstəliklər, onların səbəbləri və diaqnostikası, insan irsiyyətinin öyrənilmə üsulları, tibbi genetik məsləhətləşməni, irsiyyətin biokimyəvi və sitoloji əsasları, insanın irsiyyəti genioloji üsulla öyrənilməsi, insan irsiyyətinin öyrənilmə üsulları, irsi xəstəliklərin aşkar edilməsində tətbiq olunan metodlar öyrədilir.

Tibbi mikrobiologiya fənnində mikrobiologiya və onun inkişaf tarixi, mikroorqanizmlərin morfologiyası, mikroorqanizmlərə təsir edən xarici mühit amilləri öyrədilir. Mikroorqanizmlərin genetikası və dəyişkənliyini, allergiya və anafilaksiyanı, antibiotikləri və onun təsir mexanizmi öyrədilir. Bakteriyaların antibiotiklərə qarşı həssaslığını təyin etməyi bacarır.

Virusologiyanın əsaslarını, təsnifatını, faqlar, seriyaloji reaksiyaların qoyulma qaydalarını infeksiyaların yayılmasına qarşı profilaktikanı həyata keçirməyi , insan və cəmiyyətin həyatında mikroorqanizmlərin rolu öyrədilir. Mikroorqanizmlərin morfologiyası, fiziologiyası və ekologiyası, onların öyrənilməsini, asseptika və antiseptikanın əsas üsullarını bacarmalıdır.  İnfeksion xəstəliklərin epidemioloji əsasları, yoluxma yolları, insan orqanizmində mikroorqanizmlərin lokalizasiyası öyrədilir. İmmunitetin faktorları, insan və cəmiyyət üçün onun əhəmiyyəti öyrədilir. Faqlar, seroloji reaksiyaların qoyulma qaydaları, mikrobioloji müayinələr üçün materialın götürülməsi, çatdırılması və saxlanılması öyrədilir. Əsas xüsusiyyətlərinə görə mikroorqanizmləri müxtəlif qruplara ayırmağı, infeksiyaların yayılmasına qarşı profilaktikanı həyata keçirməyi bacarır.

Parazitologiya fənni insan parazitləri, onların quruluşunu, inkişaf xüsusiyyətlərini, əmələ gətirdiyi xəstəlikləri, xəstəliklərin simptomatikasını və profilaktika yollarını, helmintlərin əsas morfoloji xüsusiyyətlərini, insan orqanizmində lokalizə etməsini, parazitlərin morfoloji quruluşunu öyrənmək üçün preparat hazırlamağı öyrədir.

Epidemiologiya fənnində infeksiya mənbəyi, keçmə mexanizmi, əhalinin həssaslığı, epidemioloji qanuna uyğunluq, parazit-sahib arasında anlayış, immunoprofilaktika, vaksinlərin təsnifatı, “Soyuq zəncir” sistemi və ona nəzarət, profilaktik əks epidemik tədbirlər, ocaqda əks epidemik və profilaktik tədbirlərin təşkili öyrədilir.

Biostatistika fənni təsdiq olunmuş tibbi sənədlərin yazılmasını, səhiyyə müəssisələrinin fəaliyyətinin statistik göstəricilərini, təhlil və hesablamalarını öyrədir.

Ümumi və tibbi mikrobiologiya fənnində mikroorqanizmlərin morfologiyası, fiziologiyası, onların öyrənilmə üsulları, infeksion xəstəliklərin epidemioloji əsasları, mikroorqanizmlərə təsir edən xarici mühit amilləri, mikroorqanizmlərin genetikası və dəyişkənliyi, virusologiyanın əsasları, faqlar, seroloji reaksiyaların qoyulma qaydaları öyrədilir.