Mövsümova Təranə Fərahim qızı – 1 nömrəli Bakı Tibb Kollecində “Gigiyena”,”Epidemioloqiya”və “Yoluxucu və dəri-zöhrəvi xəstəliklər” fənn birləşməsi komissiyasının sədridir.
Min illərdən bəri məlum olan infeksiyalar hazırki dövrdə də insan cəmiyyətində ən çox təsadüf edilən xəstəlik törədiciləridir. Bu xəstəliklərin öyrənilməsində əldə edilən nailiyyətlərərə baxmayaraq hələ də hər il milyonlarla insan infeksion xəstəliklərdən tələf olur. Demək olar ki, hər il yeni bir yoluxucu xəstəlik əmələ gəlir və bu da saysız-hesabsız insan təlafatına səbəb olur. Cəmiyyətimizdə baş verən dəyişikliklər, o cümlədən, əhalinin təbəqələşməsi, miqrasiya, qaçqınların artması, müharibələr yeni-yeni qrup infeksiyaların baş qaldırmasına şərait yaradır. Bu baxımdan tələbələri infeksion patologiyalar haqqında müasir səviyyədə məlumatlandırmaq, müasir müalicə və müayinə üsullarına yiyələnmələrinə istiqamətləndirmək, onlarda bilik və bacarıqları formalaşdırılmaq fənn müəllimlərinin əsas vəzifəsi hesab edilir. Tədris prosesində tələbələr infeksion xəstəliklərin təsnifatını, klinik simptomlarını, həmin xəstəliklərin gedişini, ağırlaşmaları səmərəli nəticələrini, diaqnostik üsullarını və müalicə prinsiplərini mənimsəyirlər.
“Hərbi Tibbi Hazırlıq və fəlakətlər Təbabəti” fənninin tədris olunmasında məqsəd tələbələrə gələcək fəaliyyətlərində mülki müdafiə sahəsində təbii, texnogen və səhlənkarlıq üzündən baş verən qəza, partlayış, yanğın və s. halların qarşısının alınması barədə nəzəri biliklər və praktik vərdişlər aşılamaqdır. Fövqəladə hadisələr baş verərkən tələbələrdə özünə və başqalarına ilk tibbi yardım göstərmək qaydalarına yiyələnmək bacarıqlarını əldə etmək qeyd olunan məqsəddən irəli gələn vəzifələr hesab olunur. Bu sahədə həyata keçirilən tədrisin əsas vəzifəsi sülh və müharibə dövrlərinin fövqəladə hallarında təbii fəlakət, istehsalat qəzalarınnı nəticəsində yaranmış zədələnmə ocaqlarında xilasetmə və digər təxirə salınmaz işlərin təşkilinin əsaslarının öyrədilməsi, tibbi yardım biliklərinə yiyələnmək və fövqəladə hallarda əməli olaraq ilk tibbi yardım göstərməyi bacarmaqdan ibarətdir.
“Yoluxucu və dəri zöhrəvi xəstəliklər” və “Hərbi tibbi hazırlıq və fəlakətlər təbabəti” fənn birləşməsinə aşağıdakı fənlər aiddir:
- Yoluxucu xəstəliklər
- Hərbi tibbi hazırlıq və fəlakətlər təbabəti
- Yoluxucu və dəri zöhrəvi xəstəliklərdə tibb bacılığı
- Dermatovenerologiya
“Yoluxucu və dəri zöhrəvi xəstəliklər” və “Hərbi tibbi hazırlıq və fəlakətlər təbabəti”fənn birləşməsi komissiyasının tərkibində 16 nəfərdən ibarət müəllim heyəti fəaliyyət göstərir.