Acalova Mehriban İlyas qızı-1 nömrəli Bakı Tibb Kollecində “Farmakologiya” fənni üzrə müəllim vəzifəsində işləyir. “Farmakologiya” fənn birləşmə komissiyasının sədridir.
Farmakologiya – yunanca “Pharmacon”-dərman, “logos”-elm deməkdir. Bu elm dərman maddələrinin canlı orqanizmə göstərdiyi təsir mexanizmindən və xüsusiyyətindən bəhs edir. Farmakologiya elminin əsas məqsədi-dərman preparatlarının effektini hərtərəfli öyrənmək, müxtəlif xəstəliklərin müalicə və profilaktikası məqsədilə onları tibbi praktikaya tətbiq etməkdən ibarətdir.
Hər bir müəllimin vəzifəsi sahib olduğu bilikləri tələbələrə çatdırmaq, yeni dərman preparatları ilə onları tanış etmək və reseptlərin düzgün yazılış qaydasını öyrətməkdən ibarətdir. Farmakologiya dərmanlar haqqında elmdir. Bu fənn dərmanların orqanizmə təsirini öyrənir. Yeni dərman maddələrinin axtarılması ilə məşğul olur. Kollecdə farmakologiya fənnindən istehsalat təcrübələri apteklərdə aparılır. Təcrübə müddətində tələbələr yeni dərman preparatları ilə tanış olur, dərmanların apteklərdə saxlanılma qaydalarını mənimsəyirlər. Əczaçılar tərəfindən dərmanların buraxılması qaydalarını öyrənirlər.Farmakologiya fənni bioloji, tibbi və əczaçılıq fənnləri ilə əlaqəli olan bir fənndir.
“Farmakologiya” fənn birləşməsinə Farmakologiya (reseptura ilə birlikdə) fənni daxildir.
“Farmakologiya” fənn birləşməsi komissiyasının tərkibində 16 müəllimdən ibarət pedaqoji heyət fəaliyyət göstərir.