Məmmədova Elmira Qalası qızı– 1 nömrəli Bakı Tibb Kollecində “İngilis-dili” fənni üzrə müəllim işləyir. “İngilis-dili” fənn birləşməsi komissiyasının sədridir.
Son dövrdə Azərbaycanda təhsilin Avropa təhsil məkanına inteqrasiyası nəticəsində xarici dillərin, xüsusilə də İngilis-dilinin öyrənilməsinə maraq və tələbat nəzərəçarpan dərəcədə artmışdır. Bu səbəbdən xarici dillərin tədrisinə tamamilə yeni yanaşmalara istinad edilməsi və yeni texnologiyaların tətbiqi bir zərurət olmuşdur.
Müasir tələblərə uyğun olaraq İngilis dilinin tədrisinin məzmun və metodlarının təkmilləşdirilməsi “Xarici dildə işgüzar və akademik kommunikasiya” fənn birləşməsinin fəaliyyətinin başlıca istiqamətini təşkil edir.
İngilis-dili sərbəst tədris olunmaqla öz spesifikliyi, tibb işçisinin latın dili və klinik fənlər tədrisində sıx inteqral əlaqə yaratmaqla öyrənilir.
Dərslərin aparılmasının əsas forması seminarlardır. Bu üsulla yeni materialların izahı keçmiş mövzuya nəzarəti kombinə etmək mümkün olur. Dərslər əsasən tədris-əyani vasitələrdən istifadə etməklə aparılır(cədvəl, diaqram, kino və video filmlər, audio materiallar, disklər və s.).
Təlim materiallarının məzmununun yeniləşdirilməsi, real həyatda gerçəkliyini əks etdirən məlumatlara əsaslanan dərsliklərin işlənilməsi də daima diqqət mərkəzində olan məsələlərdən biridir. Bu fənnin öyrənilməsi tibb işçisinin gündəlik təcrübə işində ingilis dilində xəstə və digər işçilərlə əlaqə yaradılmasına, tərcümə texnikasına yiyələnməyə yönəlmişdir.
Tibb işçisinə aid praktik və peşəkar tibbi ingilis dilinin öyrədilməsi, peşə mətnlərinin texniki tərcümə bacarığına(lüğətlə) yiyələnmək, söhbət, şifahi anlama, yazılı anlama, dinləmə (linqafon kabinetində qulaqcıqlarla) dinləmə vasitəsilə tələbələr hər hansı tibbi mətni dinləməklə anlayıb fikirlərini ifadə edə bilmək və diskussiya aparmaq, qarşılıqlı əlaqə yaratmaq fənnin məqsədlərindəndir.
“İngilis-dili” fənn fənn birləşməsinə aşağıdakı fənn daxildir:
- İngilis dili dildə işgüzar və akademik kommunikasiya
“İngilis dili” fənn birləşməsi komissiyasının tərkibində 10 nəfərdən ibarət pedaqoji heyət fəaliyyət göstərir.